【Viu】樂隊ROVER今日出席新歌發佈會，同200名RADAR狂歡，仲首次獻唱新歌《陪我一路漫遊》，加上係首次售票演出，ROVER仔坦言巧緊張，亨仔仲話因為擔心銷情搞到失眠，又自爆今日會使出「提詞殺手鐧」，保證唔會蝦碌，超認真㗎！至於另一緊張位，就係金牌監製Eward Chan會嚟「監場」，Edward仲爆咗好多ROVER嘅秘密添！
講到新歌除咗MV貼地又搞笑外，BTS同樣爆趣，仲有ROVER著女裝嘅絕密片段，原來服裝係出自亨仔嘅「神之手」，大家仲讚希晉著女裝最Girlfriendable，Jason又踢爆亨仔私下係Fashion Killer，打扮超Hea；亨仔即還擊隊長Kim先係Killer，最癲係同款衫褲可以買足5件，真係聽到小編眼都凸埋呀！
戰戰兢兢開完呢個Mini Concert，ROVER仔就要如火如荼咁籌備同師兄MIRROR、ERROR喺啟德騷夾Band喇，想知籌備成點就睇足本訪問啦！
