【Viu】樂隊ROVER噚日推出第三首歌《男孩子不要流淚》，告別頭兩首歌嘅熱血氛圍，呼籲任何年紀嘅「男孩子」齊齊釋放情緒，就算流下男兒淚都唔等於軟弱，反而係面對真我嘅重要環節！ROVER四子暢談「上一次流淚」嘅情形，仲票選邊位係「淚之王子」，講講吓仲踢爆某成員有淚腺閉塞問題，經常呈現「我笑他人喊乜乜」嘅爆趣情境。
向來最叻互窒嘅四子，估唔到喺「ROVER小劇場」示範點樣安慰隊友都可以大暴走，仲話呢排因為演出音樂劇《重拾： 10分鐘》而對演戲產生興趣，希望說服經理人寶姐畀佢哋親自演出MV，唔使再請其他男主角。咦？呢個訴求咁有自肥Feel嘅？睇專訪就知道ROVER諗咗咩「絕世好橋」自肥啦！
