【Viu】kayan9896吳家忻今晚現身商場聖誕亮燈儀式，預告聖誕節會喺屋企搞party，叫埋朋友整嘢食，而kayan自稱撚手菜式係「超級無敵烤春雞」，聽落好似有啲料到喎！咁會唔會有埋dresscode？叫埋百億身家男友Justin齊齊着性感lace睡衣？kayan又講到今年想收一條紅色嘅頸巾，最好係人手織嘅，Justin收唔收到呀？
有份演出賀歲片《祥賭必贏》嘅kayan，開心宣布已經煞科，佢劇透其中有場打麻雀嘅戲係笑到狂標眼水，又賣關子話同Stanley@MIRROR、朱栢康、楊偉倫有最多對手戲！
kayan日前同埋Jaime張天穎、Kay謝安琪一齊去睇女神LISA@BLACKPINK香港站見面會，有幸被「點燈」起身跳舞勁興奮，搞笑話終於有用「舞」之地啦！而kayan又指最近為903籃球賽喪練波，練成超勁mark人技術，後日上戰場睇佢真功夫！
另外，kayan被爆低調離開「試當真」，呢日佢承認上個月已離巢，感謝前公司嘅栽培，又透露前公司有挽留過，但佢想嘗試出去闖，就自開工作室做老闆！對有傳kayan同試當真決裂係因為男友、私自喺男友間酒店開音樂會，kayan又點回應？即刻睇足本訪問片啦！
