【Viu】今朝先喺英國返港嘅Jeffrey，休息咗一陣就即刻出event唱歌畀「咖啡豆」聽，教咖啡豆如何不愛Jeffrey？佢呢次去咗英國成個星期，無奈缺席CHILL CLUB頒獎禮，對失落男新人獎，Jeffrey表示一啲都冇唔開心，一直以嚟做歌都係着重質量多過獎項，又戥大表波攞獎開心！
Jeffrey預告嚟緊都繼續做「空中飛人」，但同時都有積極籌備拉闊騷，更自封做「Moonwalk之王」，揚言要用呢招同Edan、Marf、Jace對撼！煨sir又自稱係《膠戰》入面嘅跳舞擔當，記step一流，咁就真係要睇過佢跳舞先知啦！之後話題一轉講到揸車，現為「P牌仔」嘅Jeffrey越講越high，直頭「中二病」發作，笑翻全場！
同場kayan9896指最近忙拍Viu Original本地原創劇《同居少女諸事卜》，怕醜話已經「激戰」咗林德信，而事前當然有同男友馬桂烽報案，讚男友大方支持！kayan現融入男友家中，同薛芷倫慶祝母親節添！另外，提及日前喺CC重遇「昔日戰友」N9、Tyson Yoshi，kayan話有主動打招呼，但唔知對方睇唔睇到，亦大方話有同前度Locker嘅現任女友Marf打招呼，一啲都唔尷尬！
