【Viu】kayan9896、Chloe蘇皓兒呢日為Viu Original本地原創劇《同居少女諸事卜》拍攝劇中第一場見面戲份，講述「表姐」Chloe硬闖「表妹」kayan屋企求同居，佢仲搞笑加戲扮「金絲雀」添！Chloe笑指今次係輕喜劇，啲動作可以做大少少，加上開頭對角色好重要，奠定無賴性格！
呢對「表姊妹」一roll機就勁合拍，完全睇唔出係第一次合作，佢哋係點培養默契？聽到個方法都真係笑爆嘴！講到同居經驗，kayan話去exchange嗰陣有試過同外國人夾份住，對方行為太free忍受唔到？而Chloe就話試過同朋友同居，雖然可以共用「遮遮」，減少家務煩惱，但一年後毅然回復獨居生活，點解嘅？依家會唔會嚮往同居生活？去片聽吓呢對「表姊妹」點講啦！
