【Viu】雲浩影、許賢@試當真、陳健安、Sica、肥蚊@小薯茄、泳兒、VALC@VIVA、Yanny@LollyTalk、Tania @LollyTalk等今日喺旺角出席遊戲活動玩「黑白大戰」。
許賢同肥蚊本住志在參與心態，許賢目標係唔影衰隊友，唔想大家誤認佢智力有問題，而肥蚊就失望做唔到雙位數目標。許賢又話早前去走鐘獎先知國語很差，對唔住屋企人，仲因一件事要加媽媽家用。
Sica今日雖然輸咗但表現唔錯，佢笑話從細就有暴力傾向，最愛扯頭髮，玩黑白幫助消水腫。仲預告12月嘅處女演唱會有大家意想唔到嘅嘉賓。Yanny同Tania就話賽前有捉隊友同媽咪練，仲大嗌唔夠喉。
而安仔同VALC就直入決賽對戰，最終由VALC贏出，安仔話細個同家姐除咗玩手指就係玩黑白。講到早前出戰903足球賽，佢大讚金Jer連入3球好叻豬，又話自己舊年斷咗十字韌帶，目標係唔再受傷。而VALC就繼903排球賽後，再次展示手腳協調功力。想知更多就睇足本訪問片啦！
