【Viu】ViuTV新劇《島嶼協奏曲》今日喺商場舉行記者會，一眾主演Stanley@MIRROR、Stephy鄧麗欣、Sica、毛曄穎、Gi 樊沛珈齊齊現身造勢！
不過原來Stanley、Stephy喺劇中係零對手戲，搞到Stanley呻：「真心可惜！」所以即場隔空呼籲各位大導，如果要搵「兩公婆」，可以搵佢同Stephy！大表波仲乘勢出擊，自薦同Stephy一齊去潛水、旅行，「神女」Stephy又應唔應承呢位「襄王」呢？
新劇喺台灣取景拍攝，Stanley自誇國語不錯，依家仲有keep住上堂進修添，咁就要聽聽個成果啦！見海報上嘅大表波比依家漲咗一個圈，Stanley笑話當時上緊磅操肌，依家睇番覺得好cute，Stephy亦即刻話鍾意Stanley嗰時個look，大表波聽到high爆話要即刻曝食兼改名做「大表肥」！
「大表肥」新歌《Drunk In Love》今晚出Dance Version，未睇成果佢就話自己表現得唔好？點解呀？叫Stephy一齊玩dance challenge？嚟緊「大表肥」會參與月尾嘅CHILL CLUB音樂會，佢想同邊位歌手crossover？令Stephy「呷醋」話Stanley見異思遷！
Sica對新劇就快播出既緊張又期待，偷睇咗幾集勁滿意！佢又自爆喺台灣零艷遇，但拍完劇去日本拍綜藝嗰陣，喺某日嘅晏晝、六本目街頭被一名30幾歲嘅hip-hop男求婚，重點係兩個人都冇飲醉！欲知後事如何，就要睇Sica訪問分解啦！佢仲爆埋同P1X3L、5G去泰國拍嘢慘食檸檬！又發生咩事？真係要睇足本訪問啦！
