【Viu】Tyson Yoshi、Sica今日現身戶外騷唱歌仔，氣氛同個天氣一樣咁熾熱！壓軸出場嘅Tyson，一改白背心style，走復古風着超貼身短袖配喇叭褲、尖頭鞋，但仍然收唔埋個big爆胸肌！
Tyson透露依家試緊禮服，準備影婚紗相，所以呢期要再勤力操弗body，佢只擔心身體某一部位太短唔好睇，又笑話Christy唔畀佢知揀咗邊套婚紗，不過就唔怕未婚妻走sexy路線！髮色方面，Tyson秒答keep住紅色，誓要同Christy影輯鬥wild、極荒謬嘅結婚相！
談及Tyson早前獲三上悠亞隔空祝福，當聽到女神搞笑嘆可惜，Tyson即時難掩笑容、自認有少少沾沾！佢仲抵死衝口而出話：「唉！依家先講？」希望Christy睇到呢度唔好動氣啦！Tyson又透露依家逼自己寫廣東歌，希望有時間再寫首結婚歌！
Sica完咗個舞台劇後，自認有嚴重嘅「騷後後遺症」，搭車嗰陣會自言自語咁排戲，更即場上演咗場畀大家睇！講到Sica最近同陳柏宇合唱《可靠我》，唔知係咪見得多，Sica嘅講經能力好似開始拍得住陳伯，佢更認陳伯做耶蘇、佢自己就係門徒，係樂壇靈魂伴侶，超吹得！另外，Sica爆P1X3L、5G再合體拍綜藝，想知detail就要睇足本訪問啦！
