【Viu】久未合體出公開活動嘅Lolly Talk，今日出席活動，當中Sinnie、Elka同阿妹啱啱完成舞台劇，Sinnie爆Elka有嚴重嘅「完騷後遺症」，經常處於勁emo嘅狀態！咁唔知喺劇中水溝油嘅Sinnie同Elka，現實中有冇鬧交？騷前其他姊妹都對Sinnie嘅「海龜」演技有保留，睇完場舞台劇有冇刮目相看呢？
日前LT舉行咗新碟發布會，Sinnie再爆阿妹喺綵排嗰陣就已經爆喊，而佢自己當日亦超緊張，因為要喺Endy周國賢面前唱新歌，突然有種考試嘅感覺！而對Endy突擊上台jam歌，8女指係超surprise！佢哋仲話遲吓可以搞個快閃唱片舖活動，Elka帶頭立flag話如果即場見到波板糖買碟，就會簽名！Yanny隨即跟隊立flag，但就秒被姊妹們彈鐘，點解呀？
相信10月、11月係LT嘅運動月，Elka、阿妹將參加903排球賽，喺密集式訓練之下，佢哋雙手都滿佈傷痕！阿妹之後又會同Ah Yo去台灣跑馬拉松；最後就係佢哋8個都會參加903籃球賽，究竟準備成點？邊個嘅球技最屎？邊個練波篤魚蛋？另外，3位10月壽星女又有咩生日願望？睇足本訪問就知啦！
