【Viu】強尼同Gao@COLLAR喺ViuTV原創劇《出租大叔》中飾演父女，由《全民造星IV》嘅主持人同參賽者，搖身一變首演父女，睇住Gao入行嘅強尼，感受梗係特別深，仲令自己反思點樣面對日漸長大嘅仔仔添！Gao亦指大哥同現實中嘅Gao爸都有幾分似，仲分享同爸爸飲酒Deep Talk嘅窩心經歷，so sweet！
講到角色「林木森」面對中年失業嘅危機，強尼大方分享自己面對過嘅中年危機，相信男男女女都有共鳴。兩位仲開心share最想喺對方身上「出租」乜嘢技能，估唔到大哥連跳唱都想撈埋，「全能強尼」呢個朵並非浪得虛名㗎！
