【viu】ERROR 嘅肥仔、保錡、COLLAR嘅Gao、Candy、芯駖、Winka出席「ViuTV全城奧運 傳承狂熱」記者會，場面盛大又墟冚！
ERROR、COLLAR嘅代表們異口同聲話，最期待嘅item就係今年奧運新增設嘅Breaking霹靂舞，特別對項目嘅計分方式寧舍好奇咁話！唔排除到時齊齊「突襲」直播廠，但就話唔敢做評述喎！講起評述員，肥仔、保錡將會主持一個發掘評述員嘅新節目，肥仔話唔夠啲參賽者口才好，係咪謙虛先？保錡早前再參加室內10k接力賽奪冠，為上年跑到暈爭番一口氣，果然係一分耕耘、一分收穫！佢仲有咩感受想講？
芯駖報平安指之前舊患復發已痊癒，前幾日仲約咗Candy打羽毛球兼跳Dance Challenge，仲話之後會搵埋其他姊妹挑戰！而「Miss Summer」Candy呢幾日都有同父母睇自己喺新劇《無人之境》演出，搞笑話一見到自己就好老尷！
對有傳Winka被電台DJ YY力追、更指男方就係pre拍拖嘅對象，Winka對此否認，又話feel唔到對方追佢，係大家諗多咗！另外，有指Frankie因是非被cut新劇《麻甩媽咪》戲份，有份演出嘅Gao代澄清冇減戲份，又大讚Frankie演出專業！有足本訪問片睇啦！
