【Viu】強尼、Gao@COLLAR、張達倫、陸駿光、陳子豐、邱頌偉、馮素波、何嘉莉、陳嘉寶同高翰文今日出席ViuTV原創劇《出租大叔》記者會，席間波姐自爆打匀強尼同子豐pat pat，強尼更沾沾向來有操「股肌」，仲爆5個大叔超級嘈，搞到阿Gao成浸「佬味」，做埋「Gao叔」！Gao認同大叔們嘈過COLLAR，又認返到屋企好佬，認真搞笑！佢又分享噚晚睇《MATCHICAL LIVE 2024》時，自己同隊友都感動到喊，感謝MIRROR師兄細心照顧。
至於張達倫、陸駿光、陳子豐、邱頌偉就大爆劇中激情戲，達倫仲話同芯駖拍床戲時，成班「花生友」mark晒期圍觀，好彩芯駖因病改期，先可以安靜享受「二人世界」咋！
而波姐就大方品評強尼同子豐嘅籮柚，又自薦同最愛嘅MIRROR拍劇做「12嫲嫲」；Anjay同嘉莉就分別同陸駿光、邱頌偉有激情戲，期待Max！
