【Viu】「阿Sa」蔡卓妍今日以形象大使身份出席活動，成個迷人Pink Lady咁呀！Twins依家進行緊世界巡唱內地站，阿Sa指90幾歲嘅嫲嫲專登去捧其中3場，令佢超開心！而講到佢喺廣州站尾場發燒，阿Sa樂觀指小病是福，又搞笑話可能關犯太歲事，仲話今個月會開埋最後一場內地站，緊接就展開美加站！
有傳阿Sa會孖張繼聰合作拍賀歲片，佢承認係會同阿聰開戲，但就唔firm係咪賀歲檔上！阿Sa指好期待，更預咗要忍笑！對「哎吔老公」Kenny關智斌近期連求兩次婚，阿Sa以極Sure口吻話：「佢肯娶，我肯嫁！」問到佢哋嘅「婚約」仲有冇效？阿Sa再firm爆話：「愛佢一萬年！」堅係愛呀！
而最近同咗Joey容祖兒、曾樂彤等快閃福岡Girls Trip，阿Sa笑話本身係想放鬆，點知仲攰過返工，係笑到攰呀！阿Sa仲爆咗單Joey嘅笑料，係將新鮮菜一晚變成裝置藝術，真係笑爆嘴！另外，前夫Ronald鄭中基早前發聲明，指曾有段唔開心嘅短暫婚姻，想知阿Sa點大方回應？佢又覺唔覺得份聲明係有人代寫？咁就要睇足本訪問片啦！
