【Viu】梁朝偉、劉德華、任達華、方中信、阿Sa蔡卓妍、何啟華、陳家樂等今晚出席《金手指》首映，華仔偉仔再度合作，佢哋由合作《鹿鼎記》建立情誼至今40年，自然默契十足，但佢哋就希望下次唔使演對立角色喇！至於阿Sa可以同兩大影帝合作心跳加速，仲為咗角色要倒模做「假大胸」，都幾尷尬㗎，估唔到呢副假狗呃到華仔添呀！
講到林海峰日前喺電台節目將《阿飛與阿基》講錯《咖哩辣椒》，偉仔坦言冇乜所謂，反正兩套戲係相關。至於網友瘋狂留言想佢再唱歌，偉仔就耍手擰頭喇，搞到阿Sa忍唔住清唱咗兩句，大家聽到一定有滿滿回憶㗎！
此外，任達華回應返因為自投《燈火闌珊》而令此片失去代表香港角逐奧斯卡「最佳外語片」嘅機會，睇足本訪問就一清二楚啦！
