【Viu】Twins一共14場嘅《TWINS SPIRIT》演唱會今晚喺紅館完成尾場啦！是夜三度encore之餘仲有特別嘉賓Joey容祖兒登場！龍虎豹合體jam《隆重登場》！全場勁surprise！
喺點歌環節嗰陣，Twins跳唱《你講你愛我》，high到爆呀！孖妹次次開騷，Joey都必定會上台同歡，但只係唱一首歌就肯定唔夠喉，趁呢晚係年廿七，佢哋提早同fans拜個早年，合唱《你最紅》！正所謂三個女人一個墟，佢哋喺台上傾偈話要一齊去旅行，仲向老闆楊受成撒嬌搲「sponsor」，場面爆笑！有搞笑嘅moment，亦有溫馨嘅moment，Joey唔抵得啲fans係咁叫孖妹係咁咀嘴，Sa嬌突然起哄咀咗落Joey兩邊面豬登，so sweet！
每晚Twins開騷如萬人K房大合唱，去到最後一首歌《風箏與風》，全場大合唱嘅威力勁到令紅館地震！見fans唔肯走，Twins再次上台，以《天對地》為14場紅館騷作結！而是晚嚟睇騷嘅嘉賓有Stanley@MIRROR同女友Alina、陳慧嫻、Sa媽同Sa爸等！
