【Viu】Twins嘅14場紅館個唱《TWINS SPIRIT》今晚開鑼！甫開騷，台上先有多對「矇面Twins」逐pair現身，去到最後先係Sa嬌，畀大家一個surprise！呢對孖妹先帶嚟一段15分鐘嘅金曲Medley炒熱氣氛，與台上超過20位dancers走勻四面台每個角落勁歌熱舞，超High，體力少啲都唔得！特別係唱到《明愛暗戀補習社》、《二人世界盃》、《愛情當入樽》、《ICHIBAN興奮》呢幾首歌，前奏一響全場fans先尖叫後大合唱！而唱到《跅跅步哈姆太郎》嗰陣，阿Sa笑話呢首歌將會係全晚最好氣氛嘅一首歌，原來孖妹喺尾聲嗰陣重現側手翻大絕，仲要係打孖嚟，啲回憶即刻返晒嚟！
是夜嚟撐場當然有英皇Family，包括Joey容祖兒、Kenny關智斌、Vincy泳兒、Gin Lee李幸倪等，台上台下一樣咁熱鬧！快啲click入片一齊重溫回憶！
