【viu】Tyson Yoshi喺《The NextWave 沙灘音樂節》Day 1壓軸登場，台下fans見男神即大叫除衫是常識吧！男神唱到中段果斷除白背心騷肌，尾聲嗰陣亦收到bra bra添！事後Tyson笑話本身唔諗住脫，因為唔滿意依家嘅體脂數，但今日真係熱到爆，唔脫唔得！
佢又講到首次喺香港唱求婚歌《would you be mine？》，估唔到反應咁好，亦開心首歌上咗YouTube熱搜No.1成3個星期！咁未婚妻Christy聽完首歌有咩feedback？預計2025年先舉行婚禮嘅Tyson，理應要開始着手籌備，但佢笑話依家一有時間就搵老友Jeffrey、Kaho整車，沾沾笑話求完婚就可以光明正大使錢玩車，更將呢句說話同全天下嘅男人講添！唔怕Christy睇訪問？
張敬軒曾隔空自薦做大妗姐，「鬼仔」Tyson話都係啱啱先知咩叫大妗姐，伴郎、兄弟名單諗住出份Google form畀老友s報名，夠晒chill！有唔少情侶喺籌備婚禮期間都會吵大鑊，Tyson腦定絕對唔會，因為佢預咗budget放手畀Christy安排，自己就做yes man，只係要應媽咪要求喺香港安排餐晚飯畀親戚就ok！另外，Jeffrey因被網民批評拉闊表現而唔開心，Tyson有冇關心吓老友？足本訪問片有啦！
