【Viu】樂隊ROVER成軍短短幾個月就超多搞作，先講歌方面，四子最新推出《回魂術》，仲專程飛到台灣拍MV添；節目方面，團綜《ROVER 團魂修煉》亦熱播當中，佢哋分別喺香港、台灣、澳門接受近半年嘅修煉之旅，第一集就見到隊長阿Kim流下男兒淚，依家嘅壓力有冇減少到？當時隊長嘅一句「金句」，事後竟然被三位兄弟瘋狂取笑？
演出方面，四子喺4個幾月以嚟不停累積舞台經驗，九展、麥花臣、沙灘騷、主題樂園、紅館、亞博，甚至台灣某捧球場，ROVER全部都留有腳毛！唔知四子最最最難忘係邊個舞台演出？
回望ROVER呢段時間嘅schedule，見佢哋有一段長時間身處台灣，睇嚟同寶島結下不解之緣！唔知邊位成員嘅國語係進步神速？唔使估估吓，即場嚟個國語突擊測驗，total 5條急口令check check佢哋嘅國語level！呢個遊戲只有一位贏家，其餘3位輸家就要接受大懲罰！而評定邊個勝出呢個咁重要嘅任務，就梗係交畀最有權威嘅經理人寶姐啦！ROVER，are you ready？Let’s go！
