【Viu】《全民造星III》冠軍Ben趙祥誠當年憑「折骨舞」一鳴驚人，勝出後曾簽約寰亞推出兩首個人單曲，其後因事暫別娛樂圈，隔咗年幾終於返嚟喇！Ben將會以Wildcard身份參加《Red Bull Dance Your Style 2024》，同另外15位參賽者爭奪代表香港出戰世界賽嘅席位，亦有意向老友Tsoul提倡嘅「跳舞明星」之路進發！
「折骨Ben」分享「潛水」一㐿嘅心路歷程，仲話教小朋友跳舞令自己改變咗好多，小編都覺得Ben活潑咗好多呀！Ben表示今次會以獨立音樂人嘅身份重新出發，雖然外表似林家謙咁文青，但想打造似Tyson Yoshi一樣激烈嘅Rap歌，各位Fans敬請期待喇！
