【Viu】初二輪到賀歲片《飯戲2》嘅「二佬」張繼聰、「Monica」Stephy鄧麗欣接力同大家拜年！兩位異口同聲指《飯戲2》加入多位「親朋戚友」火花更大，點名「六叔」謝君豪片場大放笑彈，又笑「Mark Gor」Jeffrey無論個口點塞爆腸仔、敷住mask遮住個樣都係零死角勁靚仔！
二佬同Monica繼上集最深刻嘅「砌床」，到今集又為大家帶嚟咩驚喜？佢哋大賣關子話呢次極重情，嗰份情細膩到連阿聰個「前世情人」KaKaBall都打爛醋埕！而戲中「第n次」披嫁衣嘅Stephy，自爆對婚紗已經有份麻木感，究竟點解呢？想知佢哋仲爆咗啲咩拍攝內幕？阿聰當年結婚有咩頭痕事？食住年糕、剝住瓜子睇專訪就最正啦！
