【Viu】Stephy鄧麗欣、張繼聰、Jeffrey魏浚笙、Ivana王菀之、林明禎同陳湛文今日出席《飯戲攻心2》群星飯腳場，影帝張家輝aka「港版美斯」張家輝專誠嚟撐阿聰，令眾人都起鬨想跟影帝合作拍戲呀！
講到阿聰自爆send家輝哥喺亞視嘅陳年跳唱片段，家輝哥就笑言求放過喇！至於球王美斯訪港，「孖生兄弟」家輝哥就笑問碧咸嚟做乜？仲反問：「朗拿度有冇嚟呀？」睇嚟佢喺《賭俠1999》扮完「大哨」朗拿度後念念不忘喎，笑Cry呀！
此外，阿聰同湛文預告新年謝票會派福利，仲笑言會帶定福袋收觀眾利是；明禎同Jeffrey仲會著旗袍同唐裝現身，「煨Sir」仲話驚自己嘅胸肌Big爆衫呀！咦？莫非想挑機最近hit爆嘅「大表波」？
此外，米雪、廖子妤、伍詠詩、楊偲泳、羅孝勇等均有捧場。
