【Viu】日前有鋼琴老師誤闖張敬軒屋企，事件引起網民熱論！主角軒公今日出活動回應，指屋企正值裝修中，所以後門容易被「攻陷」！加上遮遮唔小心聽錯「Mr. Chan」做「Mr. Cheung」，仲差啲offer咗軒式早餐畀老師嘆添！
軒公指同老師緣慳一面，不過佢知對方係位靚女、才女，幽默笑話靚女果然係通行無阻！大廈亦有因此而加強保安避免會有白撞事件發生，而軒公都有叫遮遮多啲留意！唔知軒公會唔會搵呢位老師學琴？
最近軒公繼續行德國特種兵路線操弗，係時候發表中期報告啦！佢話依家係消脂中，體脂達國際標準！更話每日都會跑步，最辛苦就係跑沙灘，真係好勤力！唔知操邊part係最難到軒公？定係教練要求佢食蠔最甘？食蠔食到個人「發發聲」？
另外，軒公即將啟程飛美加開巡唱，2個星期飛足4個地方開騷，期間會喺美國錄新歌添！之後10月更會喺澳門舉行一個全新嘅演唱會，2024年下半年度實行去到邊都有軒公嘅歌聲相伴呀！click入足本訪問片，聽軒公仲劇透咗啲咩啦！
