【Viu】新城電台舉辦嘅《周禮茂作品展》今晚喺主題公園舉行，Kelly陳慧琳打頭陣獻唱，期間卻頻頻出現技術故障！好彩食過吓夜粥嘅Kelly機智執生，先後解決耳機、咪高峰失聲問題！Respect！
呢晚Sammi鄭秀文雖然未有現身任嘉賓，但有預先錄定一條片祝賀周禮茂舉行作品展，sweet到爆！正日生日嘅Feanna黃淑蔓就同Kerryta合唱出Sammi同葉蒨文嘅《談情說愛》！
壓軸出場嘅係「媒人」張敬軒，原來呢個騷開得成，係因為軒公提議周禮茂㗎！軒公又講到由細就聽周禮茂嘅填詞作品，令佢大飽耳福！而喺未出道前，軒公任酒吧駐場歌手，就喺嗰陣開始就成日唱周禮茂嘅作品！睇住大前輩喺台下望住唱歌，軒公都話有啲緊張，搞到佢喺講：「多謝周生！」嗰陣唔小心講錯變「張生」，引到台下fans拍手大笑！即刻去實況片聽歌啦！
