0
0
足本訪問:陳慧琳獻唱遇技術故障機智執生 嘲似畀人玩 初嚐busking一試愛上 想喺香港快閃踩場 張敬軒走德國特種兵路線操肌 要食蠔進補?

足本訪問:陳慧琳獻唱遇技術故障機智執生 嘲似畀人玩 初嚐busking一試愛上 想喺香港快閃踩場 張敬軒走德國特種兵路線操肌 要食蠔進補?

【Viu】由新城電台主辦嘅《周禮茂作品展》今晚喺主題公園舉行,Kelly陳慧琳打頭陣獻唱,期間頻頻出現技術故障!當Kelly準備唱出道作《一切很美只因有你》嗰陣,佢向樂手表示耳機冇聲;後來喺Kelly臨唱《風花雪》前,佢講返當年憑呢首歌獲金像獎「最佳原創電影歌曲」,手上支咪又突然冇聲,工作人員多次上台換咪無果,Kelly機智執生叫fans幫佢影相拖時間,但以為有返聲嘅Kelly繼續keep住唱,首歌唱咗三分之一先真正回復正常!

事後Kelly指首次嚟新場唱歌,rehearsal嗰陣覺得好好玩,點知on show就「畀人玩」!耳機、咪高峰輪住故障,Kelly樂觀話當係舞台上嘅蝦碌事,但坦言耳機冇聲嗰刻係最淆底,最後都豁出去繼續唱!講到佢日前趁喺內地巡唱嗰陣,初嚐busking滋味,大叫好玩!Kelly直言想喺香港都玩一次快閃,或去踩其他busker嘅場!

是晚Sammi鄭秀文雖然未有現身,但都預先錄定祝賀片段賀周禮茂!壓軸出場嘅係「媒人」張敬軒,原來呢個騷開得成,係因為軒公提議周禮茂㗎!做訪問嗰陣軒公透露周禮茂plan緊去更大場地,又話希望好快可以成就解鎖,獲周禮茂賜份靚詞,主題上想話係行sexy路線喎!

軒公嚟緊有多個大型演出活動,佢抵死笑話要搵「奶粉錢」!事緣軒公終於的起心肝操弗,跟教練行德國特種兵方式,每朝8點鐘gym room報到,日食5餐,所以佢依家出去做嘢要帶8個飯盒!軒公又講到教練有特別order食蠔,呢樣最令佢費解,究竟係想補乜呢?軒公個dream body又係點?睇足本訪問片啦!

 

  1. 更多
  1. 特朗普正式接受共和黨提名競逐大選 回憶遭槍擊當天形容經歷痛苦
    特朗普正式接受共和黨提名競逐大選 回憶遭槍擊當天形容經歷痛苦
    1小時前
  2. 【國際兩岸評論】特朗普遇刺後勢入主白宮?
    【國際兩岸評論】特朗普遇刺後勢入主白宮?
    30分鐘前
  3. 上海桌球大師賽 奧蘇利雲挫丁俊暉躋身四強
    上海桌球大師賽 奧蘇利雲挫丁俊暉躋身四強
    32分鐘前
  4. 屋邨管理扣分制增加三項不當行為 餵飼野鴿可扣七分
    屋邨管理扣分制增加三項不當行為 餵飼野鴿可扣七分
    32分鐘前
  5. 天文台考慮明日下午至晚上發出一號戒備信號
    天文台考慮明日下午至晚上發出一號戒備信號
    51分鐘前
  6. 特朗普:若當選即開徵關稅應對中國電動車威脅
    特朗普:若當選即開徵關稅應對中國電動車威脅
    1小時前
  7. 英國北部城市利茲爆發騷亂 有巴士遭縱火焚毀
    英國北部城市利茲爆發騷亂 有巴士遭縱火焚毀
    1小時前
  8. 巴黎奧運村開放 首批運動員入住
    巴黎奧運村開放 首批運動員入住
    1小時前
  9. 屯門醫院病人急症候診期間死亡 死因庭裁死於自然
    屯門醫院病人急症候診期間死亡 死因庭裁死於自然
    1小時前
  10. 理大衝突期間12人涉油麻地暴動 認罪囚3年至3年4個月
    理大衝突期間12人涉油麻地暴動 認罪囚3年至3年4個月
    1小時前