【Viu】繼Marf邱彥筒同Winka陳泳伽「單飛」獲得好評後，COLLAR成員Sumling李芯駖噚日亦推出咗首支solo歌《SPYLING》，更化身性感間諜拍MV，笑言自己真空上陣「芯門大開」咁話！芯駖親解新歌創作概念，佢話一聽Demo就諗起荷里活男神湯告魯斯喺《職業特工隊》倒吊個畫面，歌詞就受書本《像間諜一樣思考》啟發，加埋最愛嘅黑白元素，好過癮呀！
為咗展現「最強Body」，芯駖喺拍攝前日操夜操，「每日都做體能訓練、游水、跑步、踩單車，加上食清淡啲，令自己瘦身啲同Fit少少。」成果有目共睹啦！芯駖仲話得悉自己可以出solo歌時，竟然連阿媽都唔敢通知，反而係畀另一位隊友「發現」，係咪好想知邊位咁叻豬呢？睇足本訪問就知啦！
