【Viu】商台DJ Elsie呂珮琳原創嘅廣播劇《遺憾收藏館》，將於9月7號衝出廣播道，進軍壽臣劇院，叻豬呀！身兼編劇同主演嘅Elsie，親解點解邀請釗峰同Cloud雲浩影演兩兄妹，仲感謝閨蜜阿正推介Hillary劉沛蘅做「小三」，嚇到「家姐」急急澄清喺現實中零經驗，仲自爆「戀愛腦」為愛企街苦等ex嘅慘痛經歷，係咪好爆呢？咪住，估唔到同樣係女神級嘅Cloud原來都試過咁Crazy；連釗峰都感同身受，印證咗愛情世界中係人人平等嘅，靚女同才子都會畀人飛！
講到劇中嘅「遺憾錄音機」可以同過去嘅人對話，Elsie、Hillary、Cloud同釗峰又想同邊位再次connect呢？點解講講吓又變咗唱K大會呢？睇訪問就知啦！
