【Viu】COLLAR成員芯駖處女下海參演ViuTV原創劇《法與情》，飾演Kay謝安琪助手，最後成為大狀，仲要挑戰喊戲，好彩靠聽音樂投入喊得出，冇阻大家收工，連拍檔岑珈其都大讚芯駖嘅演出有9分呀，叻叻豬！
講到今次同女神Kay合作，芯駖即刻心心眼向Kay示愛；珈其都覺得係成就解鎖呀，但係貪玩嘅佢，喺片場同「嗱渣」陸駿光齊齊「搞人後面」，連Kay都差啲「爆蟹」，So Crazy！
相當啱Key嘅芯駖同珈其，希望再合作拍劇，珈其仲話想做韋小寶，娶晒COLLAR 7位美女返屋企，嘩！咁大膽？驚唔驚收刀片呀？
