【Viu】謝安琪（Kay）、余安安、關智斌（Kenny）、李芯駖、岑珈其、林耀聲、鄭融等今日為ViuTV新劇《法與情》宣傳，並首度播放由Kay主唱嘅劇集主題曲，熒幕上見到Kenny有床戲同激吻鏡頭，珈其爆Kenny係戲中顏值擔當，高呼「太靚仔」，仲爆拍攝時連唔使開工嘅台前幕後都留低「睇戲」圍觀，搞到Kenny極唔好意思兼忍唔住扮打對方。
燒傷後現身嘅Kenny已完全康復，戲中Kenny係個感情騙子，跟葉璇同JJ賈曉晨都有親熱戲，不過，佢就話呢啲係小兒科，反而慶幸JJ老公樊少皇冇監場，笑Cry呀！
Kay今日剪咗一頭清爽短髮，佢話自小學之後未試過咁短，笑自己踏入反叛期，仲呻笨唔係為拍戲而剪，好彩有老公仔張繼聰讚靚，重拾「初戀」感覺。Kay仲透露老公嘅腰傷情況，連綁鞋帶都要老婆服待，康復之路漫長，未來就要練好下半身，仲爆埋老公嘅P圖習慣。至於芯駖戲中係Kay嘅得力助手，戲裏戲外都好仰慕Kay，仲即席示愛話想同佢做一家人添，想知點解，記得睇足本訪問呀！
