0
0
現場實況: MIRROR接受CNN訪問清唱《Rumours》《Day 0》 Edan起哄爆成員戀愛status Tiger非單身 12子望與Usher Bruno Mars Taylor Swift Bon Jovi合作

現場實況: MIRROR接受CNN訪問清唱《Rumours》《Day 0》 Edan起哄爆成員戀愛status Tiger非單身 12子望與Usher Bruno Mars Taylor Swift Bon Jovi合作


【Viu】MIRROR繼早前登上FOX電視台節目受訪後,12子仲有接受CNN主播Julia Chatterley嘅訪問,相關訪問片喺今日香港時間朝早喺CNN International頻道中播出,依家你哋都有得睇啦!

訪問入面,MIRROR除咗介紹自己出身、曲風等團隊資料外,佢哋仲答咗一連串音樂以外嘅secret questions,其中Julia問到:「我唔問Fans唔會原諒我,你哋邊個拍緊拖?」Ian即搶先回應:「我哋有一個就快結婚喇!」仲邊講邊指住「大表波」Stanley,12子即興奮拍掌和應,就連Julia聽到都尖叫咗聲,大表波甜笑回答:「我有一段穩定嘅關係,係我入行前已經喺埋一齊!」然後Edan又鬼馬代Julia問邊個依家係單身,除了佢自己以外,Jer、AK、Ian、姜濤、Alton、Anson Lo、Jeremy都齊齊舉手,個個都食咗誠實豆沙包咁公開自己嘅戀愛status,即係除咗Lokman同Frankie外,虎仔都有女朋友喎!

其實早喺巡演之前,MIRROR曾接受權威音樂雜誌《Rolling Stone》訪問,Julia亦專登帶埋本雜誌畀12子簽名,呢個自肥行動,羨慕死一眾鏡粉!Stanley談及被雜誌受訪嘅感受:「太驚喜了,係好唔真實嘅一件事!」

另外,Julia問到團員之間可有拗撬?Edan就指兄弟間冇乜拗撬,但有時各人都有唔同嘅意見:「例如嚟緊我哋會出乜嘢歌、跳舞想跳邊種Style,係討論嘅情況比較多!」AK搞笑附和:「Strong discussion!」而Tiger表示佢同「米媽」Jeremy係隊友之間嘅橋樑,如果真係有拗撬,就會充當和事佬嘅角色,用沉默方式「反擊」,以免火上加油!

12子興起仲爆埋WhatsApp Group嘅秘密,大表波踢爆Jer成日「潛水」唔覆機,Jer都笑自己成日失蹤!Julia又問到12子私下做咩放鬆?AK話唔使開工嘅話會全日黐實愛犬「猜柴」,更hyper隔空同猜柴say hi!Edan分享指有成員會打籃球、打機,Alton梗係會答⋯揸車:「因為咁樣可以有一個好個人嘅空間。」

席間12子分別清唱一小節《Rumours》、新歌《Day 0》呢兩首英文歌,讚!被問到想同美國或英國邊位歌手合作?AK自爆好愛Usher,更即場示愛:「Usher,希望可以同我哋合作啦!多謝你!」Stanley則點名Bruno Mars:「佢唔單止唱得好,跳舞亦十分出色!」唔少成員就好似姜濤、Anson Lo都話想同女神Taylor Swift合作,至於鍾情Band Sound啲Tiger就話:「我想同Band合作,例如Bon Jovi,可以同一啲類似嘅Rock Band合作就好啦!」希望12子願望成真!

  1. 更多
  1. 多啦A夢巡迴展7月在港展出 文體旅局指展覽列入盛事年表
    多啦A夢巡迴展7月在港展出 文體旅局指展覽列入盛事年表
    1小時前
  2. 牙科生︰毋須增一年實習 盧寵茂稱極重視牙醫專業培訓及監管
    牙科生︰毋須增一年實習 盧寵茂稱極重視牙醫專業培訓及監管
    35分鐘前
  3. 啟德體育園明年開幕 政府考慮是否邀請四大天王等歌手出席
    啟德體育園明年開幕 政府考慮是否邀請四大天王等歌手出席
    40分鐘前
  4. 社工註冊局改組法案首讀 孫玉菡:發現註冊局最近嚴重偏離條例精神
    社工註冊局改組法案首讀 孫玉菡:發現註冊局最近嚴重偏離條例精神
    45分鐘前
  5. 新加坡航空行政總裁就強烈氣流事故道歉
    新加坡航空行政總裁就強烈氣流事故道歉
    50分鐘前
  6. 挪威、愛爾蘭、西班牙承認巴勒斯坦國 以色列召回駐挪威及愛爾蘭大使
    挪威、愛爾蘭、西班牙承認巴勒斯坦國 以色列召回駐挪威及愛爾蘭大使
    54分鐘前
  7. 伊朗最高領袖哈梅內伊為萊希等人主持喪禮
    伊朗最高領袖哈梅內伊為萊希等人主持喪禮
    54分鐘前
  8. 電動小巴試驗計劃反應欠佳 政府:近年小巴經營困難
    電動小巴試驗計劃反應欠佳 政府:近年小巴經營困難
    1小時前
  9. 國際龍舟邀請賽下月15及16日尖東海濱上演
    國際龍舟邀請賽下月15及16日尖東海濱上演
    1小時前
  10. 【王子幾時嚟?】許正宇:歡迎任何合規合法資金來港
    【王子幾時嚟?】許正宇:歡迎任何合規合法資金來港
    1小時前