【Viu】MIRROR首次全員主演嘅電影《12怪盜》將於3月28號上映，秉承套戲嘅中心思想：「唔要一個做第一，要12個一齊做第一！」12子個個都係主角，仲身懷唔同技能，型英帥就梗㗎啦，估唔到猛烈嘅程度係可以令Edan同「馬鞍山巨龍」Stanley「下半身頭撞頭」？吓？大家認真聽多幾次，睇吓聽咗啲乜啦！
除咗Edan同Stanley老師夠搞笑外，Frankie嘅「螞蟻舞」都不得了，仲令「智者輝」更上一層樓變「層次輝」；而虎仔嘅打戲都好吸睛㗎，明顯食過吓夜粥！
12子難得合作拍戲，梗係要派福利畀鏡粉啦，大家都希望有3000萬票房可以開多套，金Jer就「落重藥」話要著Jeremy嘅露腰戰衣唱《Fever》，wooo，不能期待更多呀！
