【Viu】MIRROR今日全員出席《12怪盜》首映，迫爆4場商場，場面墟冚！講到網友統計咗佢哋總共謝票逾400場，MIRROR話唔怕攰，因為知道Fans買飛好辛苦，Ian仲話心痛通宵排隊嚟首映應援嘅Fans，So Sweet！問到有冇信心票房過3千萬，促成Jer跳《Fever》?Jer就話：「我守身如玉㗎！」咦，咁係咪等於縮沙呀？到底謝票場有幾難搶？皮皮就一句講出重點，果然係智者輝喇！
笑問姜濤係咪最開心同Stanley一齊謝票？又會唔會趁機搞「大表姜」婚禮？佢哋就好有默契咁答喇！講到Edan要同Dee哥謝票，佢就預咗笑Cry喇，小編都好期待呢組呀！
此外，AL大談首次拍攝杜琪峯電影嘅感受，仲要卸全妝，只可以畫眉，Respect呀！原來AK最近都忙緊拍電影，仲係自己未接觸過嘅運動題材，超期待呀！嚟捧場嘅毛舜筠都話想同12子一齊合作，仲話連劇本都諗埋，大家想知就記得loop爆呢個足本訪問喇！
