【Viu】MIRROR完成兩場英國站巡迴演唱會後分批返港，繼今朝「教主」Anson Lo「早鳥」達陣，傍晚就有最後「六鏡」返嚟，雖然坐咗十幾個鐘頭機，但六子仍然好精靈，仲企定定有問必答添！
率先出閘嘅有「《Rebound》小隊」，正、副隊長Lokman、AK加Alton！之前王勁自爆食印度菜食到肚屙，佢即刻報平安話屙乾淨晒冇事！原來一齊食嘅除咗有當地朋友，Lokman、AK都有份，佢哋又有冇唔舒服？AK嘅屋企人喺呢次英國站都有同行，但早一步先返港，孝順仔AK話有帶屋企人去睇波！Lokman就自評英國站演出70分，三子大讚英國鏡粉好熱情！
緊接出閘嘅有姜濤，佢開心話放假兩日去shopping，更抵死笑指要捧紅髮型師阿Man，放聲話電話有大把素材！不過姜Admin話呢次旅程冇點喪食，又指「奶奶」今次冇跟去，但就有講明之後嗰幾站都要一齊去！姜Admin仲大談是次英國站嘅感受！
壓軸出場嘅係Jerdan加經理人花姐！「落機E」被網民笑指教壞金Jer上網識女仔，Edan搞笑反擊自己先係被教壞嗰個！當事人Jer大方回應：「下次小心啲！真係衰嘅我！小事啫！小事啫！」又話唔會尷尬，下次唔會再亂咁講嘢，認真爆笑！Edan亦有就呢件事講佢嘅睇法，聽完笑到有腹肌！即刻去片！
