【Viu】古天樂、任賢齊、林峯、劉俊謙、周秀娜、胡子彤、Hillary同Amy Lo等今日喺灣仔會展出席寰亞發佈會，當古仔分享點樣演繹《九龍城寨‧圍城》中「龍捲風」一角時，佢笑言要睇多啲新聞同天氣報告，自然對龍捲風更加了解，點知司儀Get唔到「古式笑話」，大大聲反問眾人古生平時係咪鍾意搞爛Gag，尷尬到全場滴晒汗，好彩鄭保瑞導演出嚟「救駕」，笑指古生愛搞Gag，大家先鬆一口氣笑返咋！
至於小齊就話明明係演大佬，以為唔使郁，點知要同啲後生打到飛起；林峯就話今次角色好特別，係不一樣嘅林峯！除咗電影外，林峯仲拍攝了《家族榮耀之繼承者》，同佘詩曼6度合演情侶，因工缺席嘅阿佘有拍片分享感受，Benz雄仲分享同阿佘上契嘅原因添！
