【Viu】「豹哥」陳蕾完成首個紅館騷，keep住個hyper mode直落慶功！講到佢尾場失守爆喊，豹哥重申自己係一個好理性嘅人，今次完全係意料之外嘅事，估唔到全場「仙子」夾計講「多謝陳蕾」！
豹哥仲諗都諗唔到齋講credit都可以講足30分鐘，笑話呢單嘢連導演都輕視咗！至於開第一個紅館騷，頭場就已經要罰錢，唔知豹哥個歌酬有冇得淨？
死黨洪嘉豪雖然只係頭場嚟咗，但豹哥一連四晚同Dida boy嘅對話都有提到佢個名，仲唔係愛？豹哥更笑話如果之後開talk show，可以請Kaho同Dida boy夾吹Dida，過程中唔畀講嘢，咁都幾funny喎！話咁快下個月輪到Kaho開紅館騷，豹哥即刻醒番一招半式畀老友，究竟係咩呢？
豹哥開紅館騷前講明唔會跳舞，不過佢自爆chok傷咗某個部位要睇物理治療，背後有個原因？嘉賓方面，除咗有張蔓姿之外，仲有4位「蕾安多芬」學員Kim@ROVER、亨仔@ROVER、Nathan、Tiger Foo，原來邀四子係為咗「找數」，而有網民對陳蕾請Nathan持唔同意見，豹哥哽咽坦言一早預視到個情況，唔會影響到自己，在意身邊朋友嘅感受，會用自己嘅方式關懷對方。
