【Viu】《香港影視娛樂博覽2024》今日正式展開，連續多年擔任「香港影視娛樂大使」嘅Leon黎明，西裝畢挺現身，聯同多位高官一齊切蛋糕同祝酒，祝賀博覽踏入20周年！
素有「金句王」美譽嘅Leon，是日驚變「省話一哥」，台上致辭僅1分鐘，連帶儀式閃現5分鐘，唔夠喉呀！Leon話：「睇住香港影視娛樂博覽一齊成長，入面可能搵到一啲啱嘅嘢，或者唔夠充足嘅嘢，可以繼續向前邁進，一齊睇住成長。」咦，到底係小編道行未夠，定係Leon壇數太高呢？大家又get唔get到呀？
其實Leon自從榮升嗲哋後，深居簡出，早睡早起超養生，儀式期間當然滴酒不沾。難得天王駕到，自成為集郵對象，文化體育及旅遊局局長楊潤雄就一個箭步上前，成功得米喇！
