【Viu】阿正今日以《天若有情》Look出席惜食活動，仲連環爆料媽咪鍾意儲過期食物；男神Jeffrey就係「大嘥鬼」，試過4個人食泰菜嗌足1600蚊，猛喎！
講到阿正最近榮升咖啡店老闆娘，佢就沾沾自認有女強人Feel，仲坦承係獨資開舖，又話會有優惠畀《膠戰》同商台老友，係咪好想知呢位小富婆幾有錢呢？
不過，講太多事業似乎唔襯阿正，都係講返仔仔啦！講返男神Jeffrey早排喺時裝周同宋仲基合照，阿正就力撐Jeffrey世一，連朴寶劍都唔夠撼呀！咦？咁Jeffrey哥哥又點呢？阿正就爆Jeffrey呷醋，力證Jeffrey好在意自己，仲再度公開「阿正小劇場」，幻想自己同Jeffrey拍「霸道總裁愛上我」嘅情節，想笑餐飽記得睇足本訪問喇！
