【Viu】張敬軒同李司棋今日出席首屆十大Reel頒獎典禮，獲頒「香港十大Reel Creators」，二人一齊受訪就離唔開「食」，軒公更有意邀請司棋姐上「軒公敲碗」，餵食兼上遊艇出海炒餸，真係聽見都流晒口水！
而同為「香港十大Reel Creators」嘅阿正，笑話攞到呢個獎好意外，講到被冠為「#Jeffrey二奶」，佢抵死話係人生成就，又自評Jeffrey喺佢心中男神地位，連韓星朴寶劍都要讓路呀！打蛇隨棍上問阿正幾時出歌，兌現同Jeffrey做「一對新人」承諾？佢終於「找數」！想知就睇足本訪問啦！
