【Viu】MC張天賦、「豹哥」陳蕾同Dear Jane噚晚喺亞博開騷，適逢係父親節，楊洛婷帶埋囡囡Tanya嚟為老公Tim@Dear Jane應援，相當溫馨！不過，Tim嫂事後就喺ig自爆自己最愛係MC，囡囡仲反問佢做咩唔直接嫁畀MC，真係要求Tim心理陰影面積呀！
Dear Jane唱完Hit爆嘅《到底發生過什麼事》後，再聯同陳蕾同MC合唱《哪裡只得我共你》，炒熱全場氣氛！MC又化身「真．MC」，做主持帶師兄同師姐行匀全場打招呼，又口花花讚陳蕾好似現場嘅煙花咁靚，但就搞到豹哥有啲尷尬仔喇！
收拾心情後，豹哥唱出最新冠軍歌《伸縮自如的愛》，不停聞歌起舞，好跳脫呀！任壓軸表演嘉賓嘅MC，雖然最近忙於拍戲，但獻唱高難度新歌《第二人格》時，依然keep到靚聲，小編欽敬欽敬呀！
