【Viu】 每屆《全民造星》例牌有幾位「明星臉」參賽者，《全民造星V》仲驚現相似度高達200%嘅「Dee哥2.0」Aaron，未播出已經成功吸引網友注目。Aaron坦言「明星臉」有著數，起碼有Noise，亦想似Dee哥一樣有親和力同多Fans，仲希望打破大律師同藝人嘅框框添！
至於被指似「黃貫中x許光漢」嘅Kim，原來為咗比賽辭去正職，靠炒散維持生計，連凍飲嗰3蚊都要慳呀，陰功豬，希望Bass可以帶佢走得更遠啦！而「翻版Tyson x MC」瑞銘就想搣甩「花瓶」標籤，告別翻版稱號，等大家睇到佢才華同努力。 此外，雖然酷似周國賢嘅Eddie未能晉級60強，但依然會繼續追夢，希望搵到自己嘅光芒。
