【Viu】Jason陳柏宇、強尼、陳子豐、米露迪同「咖喱」黃雅慧今日出席新節目《我想身體健康》、《返學啦老豆》記者會，強尼、米媽同咖喱推介節目中有大隻靚仔醫生。子豐就自爆畀小學生老點唱升Key版《E先生連環不幸事件》，仲Send埋畀原唱Edan聽；Jason即反問點解唔唱自己啲歌，笑Cry呀！
講到《全民造星V》熱播中，強尼避談心水冠軍，希望觀眾少理是非，多啲欣賞表演本身；咖喱同米媽就分別撐Win Win男友KC同Tsoul喇！
至於早前喺Story批評導師陳蕾嘅子豐，自認衝動咗，話有就此DM陳蕾致歉，亦獲對方正面回覆。
