【Viu】Jason陳柏宇嘅新專輯Jason最近推出嘅新專輯《The Fight Goes On》，以家人故事貫穿所有作品，我哋特登整備咗啲關於親戚稱呼嘅問題考下佢，到底佢可唔可以準確咁嗌出嗰位親戚呢？
而今次新專輯用咗2年時間籌備，Jason話因為自己開始對編曲、旋律嘅睇法多咗，所以好enjoy呢個過程，而隻碟嘅封面仲搵咗「大師」Abi題字，Jason講笑話佢有俾朱古力阿囡做酬勞㗎！講到太太Leanne符曉薇懷孕，自己再次榮升人父，Jason都話好開心，仲話因為自己好鍾意熱鬧所以多一個小朋友係好事，不過問到佢咁鍾意熱鬧，會唔會繼續生，Jason即刻話唔會，表示鍾意還鍾意，但做一家之主嘅要承擔責任養活佢哋，所以點都要有個上限嘅。
