【Viu】Jason陳柏宇今日喺觀塘出席簽唱會，除咗同Fans玩遊戲，仲獻唱《有天》同《一人傍晚藝術館》，好聽到爆呀！講到噚日再度榮升爸爸，Jason自爆忍住唔喊，因為太太之前佗B唔算順利，直到見到BB出世先鬆一口氣咋！佢又話唔怕大女呷細妹醋，仲爆Abi好錫妹妹，成日想啜啖妹妹呀！咁仲會唔會再生呢？Jason就話兩個夠晒數喇，如果老婆再懷孕，自己真係要切喇！嘩！講到咁大呀！
雖然變咗一家四口，但Jason就冇打算再搬大屋，反而係要善用空間，仲預告7月會一家人返加拿大探親，更笑言帶初生BB搭飛機最Easy，經驗老到呀！
