【Viu】一連兩日的Viu呈獻《ONE LOVE ASIA FESTIVAL 2023》嚟到第二日，變成鏡粉嘅嘉年華，事關MIRROR 4位成員姜濤、Anson Lo、Edan同Jer今晚會進行首次海外演出，所以姜糖、神徒、爵屎同柳柳粉今日中午都各有大合照時間，烈日當空下落力應援，除咗香港同馬來西亞鏡粉，仲有人專程喺日本、澳洲、台灣同廣州等地飛嚟撐場，出錢出力㗎！
音樂節現場仲有啤酒同小食，加埋扭蛋機同遊戲攤位，真係開心返埋嚟喇！為咗快啲可以一睹偶像嘅風采，Fans喺入口處大排長龍，仲見到爵屎無分彼此派水畀大家，好有愛呀！
