【Viu】欣宜(Joyce)嘅紅館騷「Believe Us 鄭欣宜演唱會 2023」噚晚(17日)迎接第二場，寰亞集團老闆林建岳博士、毛舜筠、彭秀慧、容祖兒、許廷鏗、梁釗峰、COLLAR嘅Winka同芯駖等都有嚟捧場！
噚晚邀請咗「鄭氏宗親」嘅鄭中基(Ronald)擔任嘉賓，Joyce介紹Ronald出場時，坦言對佢嘅單眼皮情有獨鍾，其後更喺台上表白：「多謝你嚟做我嘉賓，我好鍾意你架，我真係由細到大都對你心心眼！」之後欣宜仲自薦參加Ronald嘅真人騷項目，要求佢培訓添！點知Ronald支吾以對：「但我哋有年齡限制，由21歲到 35歲⋯⋯」Joyce立即興奮地說：「咁就掂啦，我5月30日之前都仲係 35歲。」仲話中女都有中女特別味道，叫Ronald將個年齡改到去21至36歲添！之後欣宜點唱Ronald嘅《我代你哭》，佢話：「呢首歌係許廷鏗介紹我聽，但佢就唱得⋯⋯我想聽原唱！」許廷鏗喺觀眾席扮嬲，深深不忿指住台上嘅Joyce，超搞笑！
Ronald獨唱後離場，Joyce就穿住閃亮運動裝再度登場，佢同二十位舞蹈員表演《你瘦夠了嗎？》Encore環節之後觀眾依然唔肯離開，最後Joyce 加碼唱出《無權愛我》同《渺小》後，大家先收貨，滿足離場。
