【2023年4月30日】 Yoga 林宥嘉喺紅館舉行一連三場《idol 2023世界巡迴演唱會香港站》，噚晚嚟到第二場，唔少圈中人都有嚟捧場，當中包 MIRROR成員Jer柳應廷同Jeremy李駿傑。演唱會期間，Yoga突然話有位「弟弟」嚟咗，對方仲係自己超級粉絲，之後就叫台下嘅Jer起身一齊合唱，嚇到佢掩實心口，不安地望向坐喺前排嘅Joey容祖兒。最後Jer喺Yoga帶領下一齊清唱《眼色》，呢首歌係Jer參加《全民造星》時的參賽歌之一， 毫無準備之下都keep住水準！
完騷後Jer上載同Yoga、Jeremy嘅三人合照，仲好興奮咁發文表示：「痴線系列！！！！！ 唱完之後我不斷問自己係真的嗎...好像發夢一樣，台前是林宥嘉然後是跟他合唱(O~M~G~現在都不能相信...）」恭喜Jer成就解鎖，同偶像一齊夢幻合唱啊！
