【Viu】踏入2023年，阿Jer嘅音樂作品亦邁向全新篇章，同舊年嘅「虐心三部曲」完全唔同，今年佢嘅第一首solo歌《從零開始的新世界》，無論係旋律 歌詞定係MV畫面，都帶俾歌迷滿滿嘅快樂正能量啊！而且Jer仲首次參與自己派台歌嘅作曲，喺MV中仲首次挑戰跳舞，真係令柳柳粉好surprise啊！而且Jer透露已經一早plan好今年嘅音樂大計，除咗預告會出好多首歌之外，仲話會出實體碟，目標今年想開個人演唱會添！唔通就係因為咁，佢呢排默默做gym操肌？仲話如果有好劇本，唔介意為藝術犧牲，冇底線裸露演出！真係估唔到Jer都幾大膽喎!
