【Viu】阿Jer柳應廷上年完成物語、重生同虐心三個系列之後，噚日終於推出新歌《從零開始的新世界》。跳出以往沉鬱嘅氛圍，阿Jer嘅新歌充滿力量同生命力，呈現出和諧大世界，萬物共融共處嘅烏托邦。今次仲係阿Jer第一次參與作曲，希望為Fans帶嚟全新感覺，佢同Herman@The Hertz 孖住創作melody，而且效率超高，只係用咗一個鐘就搞掂。至於MV亦充滿歌舞劇風格，就好似《獅子王》劇場咁，充滿活力同歡樂，手當中嘅場景，更係阿Jer夢想中嘅Wonderland。阿Jer仲有成就解鎖，化身舞王柳同精靈共舞。成為今年嘅跳唱男新人，佢勁沾沾話其實自己身懷舞技，只係以前冇show出嚟，今次終於用得著。阿Jer仲同多位小朋友合作，對於柳三歲嚟講簡直係easy job啦。
