【Viu】 Tyson Yoshi去年8月喺九展舉辦首個個人演唱會，收到觀眾唔少好評之後，原本打算今年7月再喺亞博開騷，但Tyson日前喺IG Live就宣布取消演唱會，事關唔想消費觀眾，覺得距離上次開騷，只係多2、3首新歌，基本上同上一個演唱會冇分別，唔想為搞而搞，去賺觀眾一筆錢！Tyson仲表示自己曾經睇過周杰倫《地表最強》演唱會，當周杰倫舉行《地表最強2》演唱會嗰陣，又再入場買飛睇，結果發現同1一模一樣，就算幾鍾意周杰倫都好，Tyson都話當時忍唔住爆粗啊！為咗唔想大家有同樣經歷，所以決定取消演唱會。
