【Viu】Tyson Yoshi同朋友合資嘅健身室今日開張，張敬軒、kayan9896、吳林峰、張蔓姿、張蔓莎同Gareth.T等到賀。Tyson透露今次同兩位拍檔各自夾100萬開舖，如果業績好，仲想喺港島開分店。Tyson講明會日日喺Gym Room打躉做生招牌，但未有資格做教練，仲揚言朋友免費添，而軒公已經係天字第一號VIP喇，排名前過Jeffrey！
咁會唔會叫埋老友姜濤嚟操肌呢？Tyson就話要問吓對方意願，但另一老友林家謙就唔襯大隻，反而軒公就想睇「大隻謙之煉成」喇！
此外，Tyson預告2、3月會去Tour，7月進軍亞博開騷，軒公即自爆倫敦騷要同Tyson搶幕後人才！
