【Viu】SENZA A Cappella同Carl叔叔王雙駿，本身喺歌曲《樂壇已死》同埋阿Jer嘅《人類群星閃耀時》已經合作過，不嬲鍾意接受挑戰嘅Carl叔叔，今次第一次幫SENZA打造新歌《群魔亂舞》。監製一首歌，對Carl叔叔嚟講簡直easy job，反而係錄音時呢隊5人樂團永遠唔齊人，先令佢最頭痕。SENZA本身嘅唱功已經非常紮實，所以「視覺系」嘅Carl叔叔特別要求佢哋多啲想像，話有時打破習慣可能有feel啲，而且佢仲要求主音Peace著紫色豹紋衫，釋放內心嘅隻豹出嚟！原來Carl叔叔一直都好前衛，佢分享當年同軟硬做高山青龍時，扮日本重金屬樂團Kiss嘅Bass手個狂野Look簡直係濕濕碎啊。
